Dës Formatioun ass eng éischt Aféierung fir d'Benotzung vum Guide Let's Talk about Sex!. D’Formatioun beinhalt Informatiounen zu der affektiver a sexueller Gesondheet an traitéiert d‘Kapitel 5 vum Guide, waat sech mat sexuelle Rechter a Gewalt beschäftegt.

Fir sech dem Thema vun der sexualiséierter Gewalt unzehuelen, ass et wichteg d'Mechanisme vun der Gewalt, d'Strategië vun den Täter.innen an d'Konsequenzen fir déi Betraffen ze verstoen.  Mir diskutéieren iwwer d‘Sensibiliséierung vun de Jonken zum Thema Konsens an zu de Formen vu sexuellem Mëssbrauch; mir schwätzen och doriwwer, wéi wichteg et ass, sech ze offenbaren, wann et zu engem Iwwergrëff kënnt. Fir d’Enseignanten op dës spezifesch Präventiounsthemen ze preparéieren, wäerte mir och op hier berufflech Haltung agoen.

Dës Formatioun soll déi Professionell doran ënnerstëtzen, de Jugendlechen ob hier Froen iwwer sexuell Rechter a Gewalt ze äentweren.

Weider Informatiounen zum LTAS-Projet an d'Formatioun fannt Dir um folgenden Link: https://cesas.lu/accueil/projets/lets-talk-about-sex/

• Présentation Power Point
• Gruppendiskussioun 
• interaktiv Übungen

De Projet Let’s Talk about Sex! geet weider. Dir schafft mat jonke Leit an Dir wëllt gäre wëssen, wéi ee sexuell Bildung sënnvoll an attraktiv gestalte kann andeems een d’Froe vun de Jonken opgraift. Besicht eis Formatioune vun Expert‘en zu verschiddenen Theme vun der affektiver a sexueller Gesondheet: Anatomie a Verhütung, Diversitéit, IST, Präventioun, a méi.

Zil :

D’Participant’e kréien en Abléck an :

• d‘sexuell Rechter an den Aspekt vum Konsens;
• den Ënnerscheed tëscht gesonden an ongesonden Bezéiungen;
• déi verschidde Forme vu sexualisiéierter Gewalt.

Wëssen :

D’Participant’en si kapabel :

• sexuelle Mëssbrauch an engem sécheren a vertrauensvolle Kader ze beschwätzen;
• Forme vu sexualiséierter Gewalt, hir Mechanismen an d’Täterstrategien ze erkennen;
• hir eege Limite ze identifizéiren;
• de legale Kader besser ze verstoen
• Betraffener ze informéieren an Netzwierkaarbescht ze leeschten

Cette formation est reconnue par le Ministère de l'Éducation nationale, de l'Enfance et de la Jeunesse.

Elle est spécifiée dans le domaine - Développement de l'enfant et du jeune.

Veuillez noter que la formation rentre dans le cadre du dispositif mis en place pour le secteur de l'éducation non formelle et de l'aide à l'enfance et à la famille.