E wichtegen Deel vun der Formatioun ass d’Ënnerscheedung tëscht Engagement a Selbstiwwerfuerderung. D’Participante schaffen un Theme wéi berufflech Grenzen, Scholdgefill, Loyalitéit, Iwweridentifikatioun, Ressourcëmanagement, Prioriséierung an Ënnerstëtzung am Team an an der Struktur.

• risike fir Iwwerbelaaschtung am berufflechen Alldag besser z’erkennen.
• kënnen ënnerscheeden tëscht deem, wat zu hirer professioneller Verantwortung gehéiert, an deem, wat si net eleng droe kënnen oder sollen.
• entwéckelen konkret Unhaltspunkten, fir mat Belaaschtung, Drock, Scholdgefill an héijen Erwaardungen ëmzegoen.
• hir perséinlech Ressourcen, d’Ressourcen am Team an d’Ressourcen an der Struktur méi bewosst notzen.

D’Zil ass, eng méi nohalteg professionell Haltung z’entwéckelen : engagéiert bleiwen, ouni sech selwer ze verléieren, an d’Qualitéit vun der Aarbecht erhalen, ouni permanent iwwer déi eege Grenzen ze goen.

D’Formatioun kombinéiert kuerz fachlech Inputten, Selbstreflexioun, Austausch an Aarbecht u konkrete Situatiounen aus dem Alldag vun de Participanten. D’Inputte ginn esou opgebaut, datt se direkt mat der Praxis verbonne kënne ginn.

Um Enn vun der Formatioun definéiert all Participant perséinlech a berufflech Transferschrëtt: wat kann ech selwer upassen, wat kann ech am Team uschwätzen, a wéi eng Ressource vun der Struktur soll ech méi kloer notzen?

Weg rechent ëmmer mat enger zousätzlecher Stonn Mëttegpaus.

Et gëtt kee Mëttegiesse vun der FEDAS virgesinn.